Kam chibynta wow pynchlur ya ki khynnah skur wow pynemkaam yei buit i budia wei i bor jabieñ wow wanrah ki jait tiar, ki jait mar wa ye u pynkemkaam neibynta ki kaam wa man-ka-sng, neiliang ka yung krehkaam u District School Education Officer (DSEO), East Jaiñtia Hills District da pynman ko ya ka District Level Science, Mathematics & Environment Exhibition neibynta kiwa lai puræ Secondary School hajrong ka phang “Stem for Vikasit and Atmanirbhar Bharat” ha Jaintia Eastern College (JEC), Khliehriat.
Neiliang ki khynnah da wanrah ki ya kiwa boon ki buit nadooh wow chna ya ki kynroh da ki moo blok wa chna da ki Plastic wa u chyiap, ki Integrated Solar-Wind Energy System, Green Energy, Automated Quota Based Traffic Management System for Trucks, Laser Security System, Medicine Delivery Cart, Rain Water Harvesting and its Purification, Water Conservation and Management wa kiwi de heiwa da batai ki leh kammon krehkaam kini waroh.
Hadien wa pyndep yei bichaar, ka Suhana Paul na Ambrose Memorial Secondary School, Khliehriat da yoh nyngkong ko, hei wa ar da yoh u Peter Arsalann Pyngrope na Khliehriat Higher Secondary School, Khliehriat katwa hei wa le da yoh u Benaiah Gaddiel Sutnga na Little Star Secondary School, Ladrymbai.
Kiwa jop da yoh ki leh ya ki Certificate deilang ka song poisa wei ya kiwi kiwa chimbynta da e da ki muhor sahnaam.
Discussion about this post