Ha iwi i jia wa sñiawsih, kawi ka manbei da khlaad noh ko hei thaw wa jia hadien wa haap ko na ka Scooty wa chong ko ha tre ka Truck kawa da yooh ka nei bynta i khlieh ha i bynta ka Nongthymmai, Shillong.
Ini da jia i hei miet ka 10 tarik heipor kamwa 10:30.
Katkam ka khubor wa da yoh da ong wa kani ka manbei toh kawa tip kam ka Sensil M Sangma (30 snem) katwa uwa yah toh u kurim ko uwa tip kam u Miton D Shira (32 snem) uwa kamai pynpoi baam Zomato.
Kini ki chi kurim toh kiwa sah ha Lawmali, Shillong.
Ini da jia i heipor wa kani ka Scooty da mut ko wow lai chakhmat ka Truck heiwa uwa yah da lait im u.
Neiliang ki paidbah wa lai luti ha kani ka thaw da pyrchang ki wow yarap ya kini kiwa chem chitom.
Hadien da wan poi ki pulit wa ka Ambulance yow takit yeini wa jia.
Discussion about this post