Ka yung ka sem u (L) Sanche Syrti nadooh ka kurim, ki khon, ki ksu wa ki pyrsa kurim da e khublei sñiawngooh ki ya waroh ki kur ki jait, ki kha ki man, ki lok ki jor, ki jan yung jan sem kiwa da wan sñiawlem wan pynchngaaiñ ya ki kam ka yung heipor wa maad ki yei jia wa sñiawsih nadooh ka sngi wa khlaad noh u (L) Sanche Syrti ha ka 02-03-2026 wot hadien wada pyndep yaka lehniam wa khaddooh yong oo.
E khublei ki leh yaka Dorbar Chnong Chutwakhu, Jowai, ya ka Balang Presbyterian Jowai, ya ki Doctor ki Nurse kiwa da pyrchang yarap e sumaar ya oo nadooh na yung hadooh ha ki Hospital.
Neitæ i sñiawngooh wei e khublei ya ki Ambulance, kiwa e snaam sñiawbha, kamjooh leh ya ka Pensioner’s Association yong ka Jaiñtia Hills Autonomous District Council wa kiwi tawon ki wym ye u ñiaw.
E wa u Blai u theh u yei kyrkhu kyrdoh ha phi waroh.
Discussion about this post