U Superintendent of Police ka East Khasi Hills, u Vivek Syiem da pyntip u wa hap siat ki pulit Meghalaya heipor wa kit ya uwa lute ATM, toh neidaw wa uni u damok da pyrchang u wow knieh ya u Steering yow pyndong ya ka kari, wei hadien ini da wanpoi ki paidbah kiwa da pyrchang wow pynalit ya uni u bru wa tip kam u pyrtuid kam u Rahul Khan wei da thmu u leh wow knieh ya ki tiar siat.
U SP da ong u wa ki pulit da leh ki yeiwa toh neibhah da siat ki cha suiñ wa cha khyndaw wei u kuli da toh u ha uwi u bru neidaw sied u na khyndaw. U Vivek da ong u wa da hap siat ki puit hadooh 17 kuli ha kani ka thaw wow yada ki na ki paidbah kiwa da thmu wow thombor yow pynlait ya uni u bru.
Da ong u wa ha katia ka chnong wa tip kam ka Nuh toh ka thaw wa em boon ki damok iwa pynman ya ki pulit wow syndong wei wo siat neibhah wa ki paidbah leh da thmu ki wow leh dei bor hadooh wow knieh ya ki tiar siat.
Hawa kylli, u SP da khana u wa heipor lai kem da lai lang wa ki pulit ka Haryana, wei ha itai i por da chah hiar thma ki pulit wei ini da jia i heipor wa dang liwan ki na yung bichaar ryngkat wa uni u bru.
Hawa kylli chooh chooh, u SP da pyntip u wa ki pulit ym pu em yoh ki wow kem ya ki tiar wa kini ki damok da pynemkaam ki yow ah ya ki kor ATM, wei ya ka poisa da pyntip ki da pynemkaam yow su ram wei da pynlut leh, tangwa ki pulit dang takit ki yow chem boi da murieh ya kani ka poisa.
Discussion about this post