U DC ka West Garo Hills da pyntip u wa uwi uwa mynsoo uwa tip kam u Pantera M. Marak hei jia kynaad ha ka 11 tarik uni u bnai, da lai kit ya oo cha Civil Hospital ha ka jooh hi ka sngi.
U Pantera toh uwa da mynsoo neibynta ka kti timun wa i khlieh kyrsu ka kjat timun wei da sumaar ya oo ha Tura Civil Hospital.
Da hap leh wow booh ya oo hapoh ICU tangwa hadien won da booh ya oo hapoh ka General Surgery Ward.
Kamwa man kattæ da lait u nei maa wei da man u uwa da sdang chait.
Da kyntu leh ya ki paidbah wym toh u pynpoor ki ya ki khubor thok kiwa ye wow wanrah yei hær rngu.
Kam wow kdaw heini wa ha kini ki sngi wa dep da em ki khubor thok wa da pynpoor ki paidbah wa yap soo ngut ki bru nei yakhih wa jia ha Araimile ka chnong Tura heiwa ki pulit da pyntip ki wa em du uwi donhi uwa mynsoo.
Discussion about this post