Uwi u nong India uwa 54 snem i rta na Kandivli, Mumbai uwa tip kam u Deonandan Prasad Singh, da yap u ha ka jhaad wa Register ha Marshall Islands kawa pyrtuid MT Safesea Vishnu hadien wa chah dat Bomb ko ha ka Iran ha Khor Al Zubair Port hajan Basra, Iraq.
Ya ini da pyntikna da u Director General of Shipping yong ka Ministry of Port, Shipping and Waterways.
Ka Ministry da pyntikna ko yeini wei da ong ko wa u Singh kreh u kam u Additional Chief Engineer (Superintendent) ha kani ka jhaad.
Chooh chooh da ong ko wa da mynsoo joor u hei chah dat Bomb wei da yap noh u wei da pynman ko leh yei takit hajrong ini.
Kani ka jhaad toh ka Oil Tanker wei u Singh toh uwa na Bihar tangwa da im u ha Mumbai nadooh u snem 2019 wei man u kam u Marine Engineer uwa da kreh wa ki jhaad kit mar da boon snem wei da ieh u chadien ya ka kurim wa ar ngut ki khon.
Kiwi kiwa emlang ha kani ka jhaad da lait im ki.
Discussion about this post