Ka Airline Company wa heh dooh ha India, ka IndiGo ynnin ka sngi da pynbna ko wow kynthup ya ka Fuel Charge ha waroh ki Flight Ticket nadooh ka 14 tarik u March neidaw wa ku dor i phñiang Aviation Turbine Fuel (ATF) nei em ka thma Middle East.
Kani ka Fuel Charge u kynthup ko nadooh Rs. 425 hadooh Rs 2,300 iwa chong ha ka luti wow lai.
Ka IndiGo da ong ko wa da chim ya kani ka rai neidaw wa ku syndet i phñiang ha ki tayaaw wa dadep.
Da ong ko wa i phñiang da ku i da 85%, iwa da pynsy’at yei pynhær ya ki lieñsuiñ ha ri wa cha ba baar.
Ka IndiGo u kheiñ ko Rs. 425 neibynta hapoh ka ri, Rs. 900 neibynta i lai cha Middle East, Rs. 1800 neibynta ka South East Asia, China, Africa wa West Asia katwa cha Europe won Rs. 2300.
Ini i leh ka IndiGo toh iwa sariem wa iwa da leh da ka Air India wa Air India Express, kiwa da sdang chim ya ka bai phñiang namo ka Fuel Charge ha ki ticket.
Ka Air India da kynthup ko Rs. 399 ha ki Ticket kam ka Fuel Charge nadooh ka 12 tarik u March kamjooh ha ki lieñsuiñ wa hær ha South Asia.
Ka Air India da kynthup ko ya ka Fuel Charge ya kiwa lai cha West Asia sa $10 chi ticket, cha Africa hapyrdi $30 hadooh $90. Cha Southeast Asia won $20 hadooh $60.
Discussion about this post