Ka seiñ HITO Khseryngshang Circle da lai booh ujor ko ha u DC ka West Jaiñtia Hills District yei rukom kreh khalær ya ka Jal Jeevan Mission (JJM) Scheme ha thaaiñ Ksehrynshang wa kynthup ya ka chnong Kremlabit, Nongmulieh, Moobakhon, Nongthymme (Seh Lama) heiwa ka kreh toh kawa chongdor Rs. 7,20,34,450 kawa man ka poisa wa da mang da ka sorkar pyrdi yow pynbiang um-baam um-dih wei yeini da chem leh katkam ka RTI wa da yoh.
Da ong wa i kreh toh iwa leh tangdep heiwa da pynemkaam leh da ka Top Um kawa rim kawa da niaam rong thymme donhi wei da pynemkaam leh da ki Pipe warim. Katkam ka Work Order toh u chna da ki Top Um thymme wei da toh leh u pynemkaam da ki Pipe wa thymme.
Heiyatoh wa ini dadep leh wow phah chithi cha ka yung krehkaam ka PHE, RWS, Jowai Division yow lai pynman da ka Joint Inspection tangwa ym em da leh yeini.
Ka seiñ hei lai pait yong ka da chem sakhit wa i rukom kreh man ko ka wym yahaap katkam ki kyndon wa da booh kamtæ ym yohsa khlem da lai booh da kani ka ujor yow yoh kiwa chong chnong yei hok ki.
Da maham leh wow lai booh ujor cha ka Ministry of Jal Shakti ka sorkar pyrdi lada ym leh iyi iyi hajrong ini.
Discussion about this post