Ka kynthai wa yap nei tyrrah ka Scooty wa ka Truck toh kawa jooh yoh Gold Medal ya ka Meghalaya

Ka kynthai kawa da khlaad noh ynnin ka sngi nei ya tyrrah ka Scooty wa kawi ka Truck ha Sumer-Ri Bhoi kawa tip kam ka Ritina Hanse kawa dang 23 snem i rta toh kawa man kam ka Athlete kawa chimbynta ha ki phet pyllah wei da mihkhmat ko leh ya ka Meghalaya.

Ka Ritina heipor wa jia, da chong Scooty ko hadien kawa yah da u payu tangwa ka da mynsoo joor ko nei bynta i khlieh katwa u payu ko da mynsoo u malu mala.

Ka Ritinia da man ko leh ka kynthai wa nyngkong napoh ka jylla wow yoh takma ya ka Meghalaya ha ka East Zone Junior Athletics Championship, heiwa da yoh ko ya ka takma ksiar ha ka U-16 800m Race ha u 2017 ha Kolkata.

Da yoh takma ko boon tylli ha ki yalehke State Level Inter School Athletic Meet, wei da chimbynta ko leh ha ka Long jump wa ha Meghalaya Games.

Related posts

Da pynbna ya ka tarik pynman ya ka Written Test kiwa yaleh kreh Block Office Assistant ha West Jaiñtia Hills

March 15, 2026

Khang ka sorkar pyrdi ya kiwa em PNG wow em ki sa ka Domestic LPG

March 15, 2026

Ka Ritina da yoh ko ya kawi ka takma ksiar wa ar tylli ki takma tama ha ka 2nd North East Games wa da pynman ha Shillong ha u 2022 iwa da yarap leh ya ka Meghalaya wow yoh ya ka Overall Champions ha ka Athletics ha utai u snem. Ha kawa da pynman ha Nagaland won da yoh ko kawi ka takma rupa wa wa kawi ka takma tama ha u 2024.

Ha ini i por wa jia ya ka, dang leh ko ya ka Training ha ka Sports Authority of India (SAI) Shillong Centre wei da chah jied ko yow mihkhmat ya ka Meghalaya ha ka National Games 2027 kawa daw pynman hapoh ka jylla.