Wanrah ki 21 ngut ki MDC ka GHADC da ka No Confidence Motion pyrchah ya u CEM

Ki 21 ngut ki MDC ka GHADC heiwa ya ka EC da yahkhmat da ka NPP, da pynsñiaw ki yei wym sñiaw skem de ki yei yahkhmat u CEM, u Albinush Marak.

Kamtæ kini ki MDC da rai ki wow wanrah da ka No Confidence Motion pyrchah ya u CEM ha ka 16 tarik uni u bnai.

Yeini da phah chithi ki leh cha u Lat ka jylla uwa da e bor wow pynman ya ka dorbar ha ka 16 tarik heipor 11:00 waje i step yow leh ki yeiwa emkaam kamjooh da e bor leh ha u Chairman ka GHADC wow pynlai ya kani ka dorbar katkam ki kyndon ka Assam and Meghalaya Autonomous Districts (Constitution of District Councils) Rule 1951.

Related posts

Da pynbna ya ka tarik pynman ya ka Written Test kiwa yaleh kreh Block Office Assistant ha West Jaiñtia Hills

March 15, 2026

Khang ka sorkar pyrdi ya kiwa em PNG wow em ki sa ka Domestic LPG

March 15, 2026

Kam wow pynkynmoo wa u CEM ka GHADC uwa kattæ toh uwa da chah pyndooh Ticket da ka NPP heipor wa pynbna ki yei pyrtuid ki kyrtong MDC ha ka 16 tarik u February.

Hadien ini ha ka 17 tarik u February da mih ka pynbna ka GHADC wa emkaam ST Certificate kiwa wan thap pyrtuid kam ki kyrtong MDC wei ya ka rai da chim hadien wa chong pynman yalang ka EC ha ka 9 tarik u February.