Ka chnong Sheikhpura ka Bihar da lehkmen ko hadien wa uwi uwa chong chnong ko wa tip kam u Ranjit Kumar da kam u wa da Pass u ya ka Union Public Service Commission (UPSC) Civil Services Examination, heiwa ya ka Result da pynbna ha ka 6 tarik uni u bnai.
Ha ki Video wa da poor, da yoo ya u pa u deilang u MLA ka thaaiñ kiwa chirup ki bor chnong hadooh ki pulit kiwa da wan pyndeiñ syntu ya u Ranjit deiwa pynbaam oo da ki baam wa thiang yow lehkmen yeiwa yoh u ya ka 440th Rank.
Ha ka yalang pynkup burom ya oo, neiliang u Ranjit da e u yei klam yow e mynsien ya kiwi deiwa ong wa bood u yei yahluti u President warim u APJ Abdul Kalam wei da ye u wow pyndep ya ka UPSC deiwa khreh kot du 4 kynta chi sngi katwa kiwi da kreh kot ki hadooh 18 kynta chi sngi.
Da ong u leh wa emkaam u kreh chitom, u ngait ya idæ wei wow booh ki thong.
Da pynman leh kawi ka yalang wa leh da ka chnong wei da pynkup burom ya u Ranjit wot hapoh ka Police Station.
Tangwa hadien wa kiwa chong chnong da pait ki ya ka UPSC Merit List ha ka 10 tarik da sdang ki wow suba wei hawa pynsakhiat da chem wa uwa yoh ya ka 440th Rank toh u bru wa pyrtuid Ranjith Kumar R, uwa na Karnataka.
Neiliang ki pulit da phah hajir ki ya u Ranjit yow wanrah u ya ka Admit Card tangwa nadooh katai ka sngi da wiar u wei ka Mobile Phone u toh kawa dei tympleh.
Ini ymtoh i sien wa nyngkong wa jia kamni heiwa kawi ka bru kawa na Ghazipur kawa yoh 301st Rank da cham kam i pyrtuid ko ha kawi won ka bru kawa em i jooh i pyrtuid ka wei kani toh kawa yaleh hi ya ka UPSC Exam.
Ha u January da em uwi u bru wa wanrah da ka UPSC Result wa chna thok wei da lai u cha ka Lal Bahadur Shastri National Academy of Administration (LBSNAA) wa em ha Mussoorie yow leh Training.
Hadien wa pynman ya ka takit da chem wa su u palat Rs. 27,000 yow chna thok ya kini ki kot ki sla.
Discussion about this post