Yap u khynroo wa chah tyrrah katwa dang chna Reel

I tyrrah kari ha u sarok Delhi-Mumbai Expressway da man Viral i ha Social Media hadien wa mih pyrthai i Video yong iwa jia heiwa da yap uwi u khynroo.

Uni u khynroo toh uwa 18 snem wa tip kam u Mohammad Moin wei dang chna Reel u harood sarok ha Firozpur Jhirka, Haryana deiwa lai lang wa uwi u lok wei da riñ da uwi won da ka Smart Phone.

U Moin dapoi u chirup wa ki ar ngut ki lok cha ka Expressway hadien wa yoh chuti wei da chna Reel deiwa lai ha rood sarok ar ngut heiwa u Moin da rah u wa i umsoh ha kti u, katwa uwi won u lok u da riñ u. Hadien kattu katni por da wan ka Truck nadien kawa da tyrrah ya Moin. 

Ini i tyrrah da man iwa joor bha heiwa u Moin da yap u pyn ha jooh hi katwa u lok yong oo, u Saad (uwa riñdur) da mynsoo joor u wei da kit ya oo cha Hospital katwa uwi won da lait u nei chah tyrrah.

Ka yutip wa yoh da ong wa kani ka Truck dang yut ko hadooh katni. 

Neiliang ki pulit da pynman ki yei takit wei dang pait bniah ki ya ki CCTV wa em ha Expressway wow chem ya ka Truck wa ya uwa yah ya ka. 

Related posts

Sa 4 sngi ha kti ki pulit u kset ya kiwa lute ATM

March 16, 2026

Ym duna ya 27 ngut wa chah kem wei dang bichaar ya ka FIR pyrchah ya u MLA warim: Prestone

March 16, 2026

Ini da jia i ha ka 14 tarik heipor kamwa 4PM-4:30PM wei ki pulit da ong ki wa ini i bynta u sarok toh i wym chah wow lai kjat ki bru.

Yeini wa jia ye phi u pait heini ha wah.