Ynne ka sngi u Deputy Chief Minister uwa pait leh ya ka chnat Home (Police), u Prestone Tynsong da ong u wa ym duna ya 27-28 ngut wa chah kem hei awri ha thaaiñ West Garo Hills nadooh ka 9 tarik hadooh ka 12 tarik uni u bnai.
Da ong u wa ki pulit u pyntikna ki wa kam ini ym jia de i neini chaphrang.
Da ong u wa i kem jia i ym du ha West Garo Hils tangwa ha ka thaaiñ hi waroh kawi wei i takit dang man iwa lai chaphrang wei u lai hadooh wa kut.
Da pyntip u wa ka sorkar dang puræ ko ya ki FIR heiwa da mih i pyrtuid u MLA warim, u Esmatur Mominin kawa da booh da u Dr. Mukul Sangma katwa yeiwa kem ya u MDC warim, u Sofior Rahman da ong u wym pu ye u ong iyi iyi neibhah ka takit dang lai ko chakhmat.
Chooh chooh da pyntip u wa ki hukum Curfew u dang neh ki hei miet kat hadooh wa yoobiang u pyndam won ya ki kamjooh i khang ya ka Mobile Internet.
Discussion about this post