Hadien wa mih khubor wa wiar i pyrtuid Jaintia na ka Corrigendum Public Notice ka MPSC heiyatoh wa i kreh Assistant Engineer hapoh ka Urban Affairs Department ka sorkar Meghalaya.
Neiliang ka MPSC da smat ko wow pynbait yeini ynne ka sngi deiwa thoh Khasi & Jaintia kam ki Category ka Reservation.
Hawa yaklam ka JSU wa ki bor pynlai da pyntip ki wa iwa mih du Khasi toh iwa bakla wei ymtoh iwa leh chynnam.
Kamtæ ka JSU da maham ko ya waroh ki chnat sorkar kiwa pyrchang wow pynwiar yei pyrtuid Jaintia na ka thup yong ka Reservation Category.
Kam wow pynyknmoo wa ha ka Corrigendum Public Notice wa da pynmih da ka MPSC ha ka 14 tarik uni u bnai heiyatoh wa i kreh Assistant Engineer ha ka Urban Affairs Department da thoh wa i kreh wa lait em ki ar tylli heiwa deiwa kheiñ ya ka Roster iwi i kreh wa lait toh neibynta ki Khasi katwa iwi won toh neibynta ki Garo.
Puræ leh: Wiar i pyrtuid Jaintia ha ka Notice wa pynmih ka MPSC | Beiñ joor ka JSU
Discussion about this post