Chah khang biang kiwa na Lapangap wa Mukroh wow lai cha ki thaw rep ha kiwa na Assam

Ka Elaka Shilliang Myntang deiwa emlang uwa mihkhmat ya u Dolloi, ki waheh chnong ka Lapangap wa Mukroh deilang kiwi de ki bor chnong da lai yachem ki wa u Deputy Commissioner ka West Jaiñtia Hills District heiyatoh wa i khanglaad biang ki bor Assam ya kiwa na ka chnong Lapangap wa Mukroh wow lai cha ki lyngkha ki thaw rep.

Ka Elaka Shilliang Myntang da pynsñiaw ko yei sñiawkhia wa joor hajrong i eh kiwa yatoh wa u pood u ang neibhah wa dang pteiñ i iwa da ktah ya kiwa chong chnong ka Lapangap wa Mukroh.

Da ong wa ki warep wa ki tre chnong na waroh ar tylli ki thaaiñ da chah kyntait ki wow lai cha ki thaw rep wei da khang wow lai ki da ki pulit, ki Karbi wa ka KAAC.

Related posts

Na Shillong cha Jowai wa cha Ladrymbai lai kem ki pulit ya kiwa tooh thuk-thuk wa Scooty

March 17, 2026

Pynche u waheh chnong warim ka Ksehrynshang yei pynbaad ka HITO | Ki leh toh ki dkhot ka Committee ka JJM 

March 17, 2026

Ini waroh da wanrah ko yei eh wa khroo ya kiwa chong chnong kiwa im dei rep i riang yow ye u pyndap baam ha ka yung ka sem kamjooh da ktah leh yei yoh i kot ka chnong.

Heini i yachem wa u DC ynnin ka sngi da kyntu ya oo wow tuklar smat yow ye biang ki u lai cha ki thaw rep wei wow pyntikna wa i chongsuk wei chongsaaiñ em i ha ka thaaiñ khapood kamjooh yow yada yei hok kamai kajih kiwa chong chnong wa chah ktah.