Hadien wa mih ka khubor wa pynbaad ka HITO Ksehrynshang Unit heiyatoh wa i kreh ya ka Scheme JJM, neiliang u waheh chnong warim, u Malbi Timung da phylla u wow yoo yeini.
U Malbi Timung da pynche u wa ya kani ka Scheme da e u pynkreh da u Hed Myria rynkat i railang yong ka Committee chnong wei ki dkhot ka HITO ha Ksehrynshang da man ki leh ki dkhot yong ka chnong wa heipor wa pynkreh ya kani ka Scheme ki leh da embyntalang ki.
Da sñiaw phylla u wa heitu i por cheiwon em ki wei ini toh hadien wa kylla Uniform ki cha ka HITO neibhah iwon iwon i kaam da leh da pynbaitlang.
Kamtæ da pynche u wa neiliang yong oo boon ki kaam wa dadep leh u, wei chiboon ki kot wa hap pynbiang heiytoh wa ka Scheme khnang wow yoh um ka chnong wei wa da pynche u leh wa neiliang yong oo ym em poisa u.
Heijooh i por da pynche u wa chwa wow e kti u yei kaam waheh chnong da pynman da ka dorbar heiwa da em ki katu katni ki yung wa ym em yoh um heiwa neiliang u Contractor leh da kular u wow leh yeiwa emkaam wei da sñiaw sarong wa ka chnong Ksehrynshang da yoh um lut ki manyung hanla yoh um ki 2 namo 3 sien chi tayaaw.
U Malbi da e khublei u leh ya u Contractor, u Hed Myria wa yaleh u pynyoh um cha waroh ki manyung deiwa pynrap wa da e Connection u dei makna cha ki 90 tylli ki manyung ki wym em heipor wa pynlait poisa (Sanction) yong ka Scheme wei yeini da leh u deiwa kyrpaad ka chnong.
Puræ leh: Kreh tangdep ya ka Scheme JJM kawa palat Rs. 7 klur ha Ksehrynshang
Discussion about this post