Ynne ka sngi ha ka Dorbar Mang Tangka ka JHADC, u Executive Member, u Hambertus Nongtdu da khana u wa em i kajia pood hapyrdi i khloo Protected Forest wa i thaw ka JHADC, wei yeini da jubab u yeiwa kylli u Nehemaia Lamare.
Kini ki thaw wa kajia em ki ar tylli wa kynthup ya ka Mynkajai Protected Forest wa ka Mynkrem Protected Forest weiwa i kajia man i hapyrdi ki bru samen na Demthring wa Mupyut wa ka JHADC.
Da khana leh wa ini i kajia toh nei kyntoor pood.
U Nehimaia da kylli u yei man i long i thaw ka Council ha Saitsama heiwa da phah hajir ya u Waheh Chnong wa u Secretary Chnong, neiliang u Hambertus da khana u wa ka EC dang bichaar ko yeini i kaam.
Discussion about this post