U MDC ka Liang Pyrchah ha ka JHADC, u Nehemaia Lamare ynne da kylli u yei daw wa pynslem u pynman yei jied Waheh Chnong ha Mookaswan yeiwa u Thombor Shiwat, CEM da khana u wa ini i kaam dang sahteiñ i ha u Dolloi.
Chooh chooh hawa kylli yei daw, u CEM da khana u wa i daw toh nei kajia pood hapyrdi ka Nangbah wa ka Mookaswan.
Da pyntip u leh wa da maham ya u Dolloi wym toh u pynslem u pynman yei jied Dolloi ha katai ka chnong du neidaw wa em i kajia pood.
Da pyntip u leh wa katkam wa man katni da thung ya u Acting Waheh Chnong wei ym slem de daw pynman noh yei jied waheh chnong.
Discussion about this post