U jooh u bru ym ye u wow chah jied biang kam u waheh chnong, tyrwa u Jamshaphrang Pohtam

Ynne ka sngi sdang ya ka Dorbar Mang Tangka ka JHADC heiwa u CEM, u Thombor Shiwat da wanrah u ya i thmu wow pynkylla ya ka aiñ Waheh Chnong kawa tip kam ka Jaiñtia Hills Autonomous District (Establishment of Elaka and Village and Election, Appointment, Powers, Function and Jurisdiction of Dolloi/Sirdar and Waheh Shnong) (Amendment) Bill 2026.

Hawa klam hajrong kani ka mat, u Jamshaphrang Pohtam da e khublei u ya ka Executive Committe ha u snem 2015 wa da wanrah ya kani ka aiñ neibhah da kynmoo u kammon tkoh i rukom krehkaam ki chnong heipor wa pynmih hukum ka High Court.

Da ong u wa em chiboon ki bynta wa oo kwah u wow tyrwa wow pynkylla ya kani ka aiñ deiwa kdaw ya ki 10 tylli ki mat.

Da tyrwa u wow thap yei kyntien Council hei pyrtuid ka aiñ ka wow tip kam ka “The Jaintia Hills Autonomous District Council (Establishment of Elaka and village and Election, Appointment, Powers, Function and Jurisdiction of Dolloi, Sirdar, Waheh Shnong) (Amendment) Act 2026”.

Ha ka Section 4, Sub-section (2) yong ka aiñ wow chah du ya ki chynrang wow yakhun ya ka kyrdan Dolloi na ki Kur wa em wa hoi wow man Dolloi katkam wa da yah nachwa.

U Jamshaphrang ha ka Section 18, Sub-section 11 da tyrwa wow e bor ya ki Dolloi/Sirdar wow e i tyrwa namo Recommendation leh kot thaw kam ki Land Holding wa Patta wa kiwi toh du hadien wa yoh ya ka kot pynskem na u Waheh Chnong/Rangbah Chnong khnang wow lait u em 2-3 pyrtuid iwi i thaw wei wa ha ka thaaiñ War Jaiñtia da suk ki wow pynemkaam da i kyntien Rangbah Chnong.

Related posts

Lai dawa ka JNC wow booh kor ATM ha ka Meghalaya Rural Bank Mowkaiaw Branch

March 18, 2026

Sñiawngooh ka JNC yeiwa da sdang i kreh ka College sorkar ha Jalaphet

March 18, 2026

Chooh chooh ya ka Section 20, Sub-section (2) Clause (b) da tyrwa u wow phiah ya ka Cluse (b) ha ki ar bynta, deiwa kynthup wa ka Executive Committee ymtoh u e bor ko ya ki bru lait na ki Khasi Pnar wow seiñ chnong thymme deiwa kdaw yeiwa jia ha Ri-loom Garo ha ki tayaaw wa dadep.

Heijooh i por ya ka Section 21, Sub-section (2) da tyrwa u wow em u Finance Secretary hajrong yong u Treasurer khnang wow khooid i kaam poisa ka chnong.

Ha ka Section 21, Sub-section (3) da tyrwa u wa ka Dorbar Chnong u thung ko ya u Chairman Chnong wow pynlai ya ki yalang ha chnong wa ka Executive Body.

Ya ka Section 24 da tyrwa u wa ka samoi krehkaam u man ko ym duna ya chi snem wei ym palat ya 3 snem heiwa u jooh u bru ymye u wow chah jied biang hadien wa man u waheh chnong le snem, (ymye u man kam u waheh chnong pateiñ). 

U Jamshaphrang da ong u wa ha ka Section 31, Sub-section (11) da tyrwa u wa ya ki Character Certificate, Residential Certificate, NOC, Birth, Death wa kiwi ki kot, emkaam u waheh chnong wow e du hadien wa tip ka Executive Committee ka Dorbar Chnong.

Heiyatoh wa ka Section 32 da tyrwa u wa ymye u e No-objection Certificate næ kiwi kiwi ki kot khlem yohbor na ka Dorbar Chnong wei wow khang ya ki waheh chnong wow embynta ha kiwon kiwon ki seiñ saiñhima khnang wow pynneh yei chongsuk.