Ka seiñ Jaiñtia National Council (JNC) Laskein Block Circle, ynne hei yahkhmat u President yong ka, u Imonmideiwi Suchiang chirup wa ki dkhot da lai yachem ki wa u Branch Manager yong ka Meghalaya Rural Bank (MRB) Mowkaiaw Branch wow yaklam heiyatoh wa i dawa kor ATM wei da e leh dei thoh neidaw wa ood wei thrang ki paidbah kani ka thaaiñ wow pynyoh kor ATM yow suk ki u sai poisa neibhah cha kini ki thaaiñ joor bha i pynemkaam ki paidbah ya kani ka Bank kawa em ha chnong Mowkaiaw hadooh wa dapoi kiwa pynemkaam kani ka Bank kamwa 15,000 ngut tam.
Ka seiñ dadap ko dei sñiawkhia weiwa da boon ki seiñbhalang kiwa dawa wow pynyoh kor ATM tangwa wym em u yoh hadooh kattæ leh.
Ka seiñ da yaklam ko wa u Branch Manager deiwa yooluti wow yoh ATM hapoh kattu katni bnai donhi.
Neiliang u Branch Manager da ong u wa nadooh wa sdang wan kreh u heini da yoo wa emkaam sakhiat wow em ka kor ATM cha kani ka thaaiñ wei da kular u leh wow leh wut-wut yeiwa emkaam kamwa ka seiñ da dawa ko yow pynsuk ya ki paidbah waroh.
U Branch Manager da ong u leh ya ka seiñ wow wan mih biang ko cha Bank hadien chi tayaaw.
Discussion about this post