Ini toh i pyntip cha kiwa wan cha ka Jingiaseng Samla KJP Assembly kawa Khad-ar (XII) ka wow man ha ka 10 hadooh ka 12 tarik u April, 2026 ha ka Balang Sohkymphor, Shangpung Presbytery, Sohkymphor District, KJP Synod Mihngi.
Ka chnong Sohkymphor toh kawa em hapoh ka East Jaiñtia Hills District kawa jngai kamwa 97 Km na sor Shillong wei chimpor kamwa ar kynta chiteiñ hadooh le kynta da ka kari.
Yow poi cha ka Balang Sohkymphor lane ka chnong Sohkymphor, kiwa kitkaam, ki dkhot wa ki Delegate ye ki wow lai kamni:
1. Kiwa wan na ka thaaiñ Shillong ye ki wow lai na Mawblei-Laitkor ha u sarok Shillong-Jowai lane na NEIGRIHMS/Diengpasoh lyngba u Shillong Bypass yow lai cha Jowai neitæ won na laad nan Thadlaskeiñ yow chim da u sarok Jowai Bypass hadooh hachwa u psiah cha ka chnong Wapung wei heini daw em u khilon wow pdiang yow poi cha ka chnong Sohkymphor.
2. Kitu kiwa wan lyngba ka 7 Mer Upper Shillong ye ki wow lai bait sak na u sarok Shillong Peak neitæ na Laitkor ter-ter u sarok Shillong-Jowai yow poi ha nan Thadlaskeiñ wei neini chim da u sarok Jowai Bypass kamwa da kdaw ha ka bynta wa khaddooh yong ka Point No.1.
3. Kiwa wan na thaaiñ East wa West Jaiñtia Hills District hap ki wow lai hadooh Wapung Chnong laad Sohkymphor, wei daw em u khilon wow kdaw cha u sarok yow poi cha ka chnong Sohkymphor.
4. Kiwa wan na ki thaaiñ Shangpung, Iooksi, Mookaiaw, Barato wa kiwi kiwi de, da kyrpaad ya phi wow sñiawbha wow lai na Shangpung Khliehrangnah, Lad Mynska, Byrwai Road ha ka Sngi U Blai.
5. Da kyrpaad ya ki chnong kiwa marjan wa ka chnong Sohkymphor lada lai emkaam phi neibynta ki kaam yong phi, da kyrpaad ya phi wow sñiawbha phi wow kiar katwa ye wow lai napoh ka chnong Sohkymphor khnang wow lait nei sakhkut kari ha ka Sngi U Blai.
Ini i man i leh i pyntiplang wa i kyrpaad ya waroh wow poi heipor wa biang khnang yow pynsuk ya ka Balang kawa pdiang ya kani ka yaseiñ.
Da kwah leh wow pyntip wa kani ka yaseiñ daw man ko ha u bnai April, wei da kyrmen wa daw man ko ka sngi kawa chit, kamtæ ye phi u sap ki sula kiwa katkam i por. Najrong kiwi won kiwa emkaam yong samen, ye leh wow emkaam Torchlight neibhah em ki thaw kiwa rap cha kdong, ki luti syngkieñ kiwa emkaam wow chba. Wei ini man ko yow tip kiwa kitkaam, ki dkhot wa Delegate wow leh yeiwa emkaam.
Kam ka Balang i duwai i wa waroh kiwa wan yaseiñ u poi ki dei suk khlem iwon iwon i thut.
I pyntip na u Tbn P Langstang, Secretary Information & Broadcasting Committee, Balang Sohkymphor.
Discussion about this post