I dor i Premium Petrol ha India da pynku ki da Rs. 2.35 nadooh myntu ka 20 tarik hadien wa thut i lai i wan i phniang neidaw ka thma ha Middle East iwa sdang deiwa dat Bomb ka US-Israel ya ka Iran ha ka 28 tarik u bnai wa dep.
Kini ki phniang Premium toh kiwa em jar jiar i pyrtuid kam i Speed yong ka BPCL, Power i yong ka HPCL wa XP95 yong ka IOCL wei i ku man i nadooh Rs. 2.09 chi litre hadooh Rs. 2.35 chi litre iwa chong ha ka Company wa pynmih ki.
I dor yong kiwi ki phniang neh i kamjooh khlem da pynku.
Ha kani ka thma, ka Iran da siat ko cha kiwi ki ri kam ka Qatar, Saudi Arabia wa kiwi de kiwa pynmih phniang kamjooh ki Liquefied Natural Gas iwa da ktah yei pynmih ya kini ki mar wa emkaam ki bru man-ka-sngi.
Neiliang ka sorkar India da ong ko wa ha kini ki 24 kynta wa lai ym em jia iwon iwon ha Gulf of Persia wei ki jhaad ka ri da ye ki u lai u wan khlem da em i pynthut yow wanrah phniang chapoh ka ri.
Discussion about this post