Ym em e NOC ka JHADC wow tih moochuni

Ynne ka sngi u Rikut Parien da kylli u ha ka Dorbar Mang Tangka ka JHADC, lada em ka NOC wa e ka JHADC cha ki paar tih moochuni yeiwa u CEM, u Thombor Shiwat da khana u wa ym em e ya ka deiwa pynrap wa u moochuni toh u Minor Mineral.

Hajrong ini u Andrew Shullai da ong u wa katkam ka aiñ Minor Major Concession Rules ka Meghalaya da klam che wa emkaam u yoh NOC na ki District Council.

Chooh chooh u Rikut da khana u wa ha ki por wa dadep da chem wa em 36 tylli ki Mining Lease deiwa kylli lada u moochuni man u Minor namo Major Mineral, heiwa u Andrew da pynrap u wa ha ka 10-10-25 wa 13-10-25 da pynmih ka sorkar jylla wa u moochuni man u kam u Major Mineral kamtæ da kyntu u ya ka District Council wow kheiñ noh ya ka dan ya u moochuni kam u Major Mineral.

Yeini u CEM da kular u wow chimkhia yeini neini chaphrang.

Related posts

Daw pynboon ya ki bor pulit ha waroh kawi ka jylla yow lait u thut i lehkmen Id ki Muslim: Prestone

March 20, 2026

Kyntu u Jamshaphrang wow yarap poisa ka JHADC ya ki Dolloi

March 20, 2026