Ynne ka sngi ha ka Dorbar Mang Tangka ka JHADC, u Jamshaphrang Pohtam da kylli u katwon jur wa yalait kurim hapoh ka United Khasi Jaiñtia Hills District Divorce Act nadooh ka 1 tarik u April 2025 yeiwa u Phieñshwa Nangleiñ kam u EM da jubab u wa em 35 jur wa yalait kurim hapoh ini i por.
U Jamshaphrang da kylli u yei daw wa yalait kurim ki heiwa u Phieñshwa da khana u wa ini toh i kaam ka Court wei ymye wow jubab yeini.
U Rikut Parieñ da kylli u lada em ki Marriage Officer wa thung ka Council yeiwa u Phieñshwa da ong u wa ym ye ware u ong yeini.
Heitæ u Andrew Shullai da pynrap u deiwa kylli yi wa Register ya ki bia næ chongkurim heiwa u CEM, u Thombor Shiwat da ong u wa da pynkrehkaam ya ka Chirsitian Marriage Act. Heiwa u Andrew da kylli biang u ya ki sahep næ chnat wa pait yeini heiwa u Thombor da jubab u wa da pait da ka Secretary ka Executive Committee.
Neitæ u Rikut da kylli u wa lada ya ki Dolloi da thung da ka JHADC, ki leh man hi ki kam ki Marriage Officer, heiwa u Thombor da ong u wa emkaam u paan ki.
Neiliang u Jamshaphrang da kyntu u wa ka Council toh u pyrkhat ko yei chongkha chongman wei wow pynkhlan ya ki yatoh ki chijur.
Discussion about this post