Wa chah Suspend u Secretary ka KHADC, ong ka Liang Pyrchah wa em bait iyi ræ iyi cha kylla

Uwa yahkhmat ka Liang Pyrchah ha Khasi Hills Autonomous District Council (KHADC), da pynsñiaw u yei lyngngoh yeiwa chah beh kreh chipor (Suspend) u Secretary ka Executive Committee, u DG Syiemïong, wei i ieh kaam noh u Legal Counsel ka EC, u T. Diengdoh.

Hawa kylli hajrong ka mukotduma hapoh High Court kawa yatoh wa kini ki ar ngut, u Titos da ong u wa hajrong ini wa jia ha KHADC, da em bait iyi ræ iyi iwa cha kylla, wei da pynsñiaw u leh wa ya kattæ ym pu che hajrong kayi ka mukotduma, tangwa kamwa da mih khubor toh ka mukotduma PIL wa da yaleh da ka Syngkhong Rympei Thymmai (SRT), hajrong i e jait wei wow tipmit kam ki Schedule Tribe.

Da ong u wa ye u man wa u Secretary da leh u iwon iwon i kaam wa bakla wei kawa pyrchah ya ka Executive Committee wa ya ka District Council.

Da ong u leh wa heithaw wa uni u Secretary uwa da chakri boon snem uwa da toh chah pynkup burom, tangwa da jia deini i chah Suspend.

Related posts

Dawa ka PSM wow kylliang ya u chrot brodiñ wa em ha pchem ka skur

March 21, 2026

Hadooh le snem ye u chah kset deilang ka kuna kawa Rs. 25,000 ya ka bei u pa u khynnah khian wa yah Bike ha Shillong

March 21, 2026

U Titos da ong u wa oo deilang kiwi ki MDC ka Liang Pyrchah daw kylli ki na ka Executive Committee yei daw wa hap Suspend syndon ya u Secretary.

Kam ka khubor wa da mih, da e jubab ya ka mukotduma lyngba ka Affidavit wei da leh yeini khlem da tip ka EC heiwa ka KHADC da man ko kam kawi kawa da hap yalehlang ya kani ka mukotduma heiwa ka SRT da ong ko wa ki Khasi wa chim dei kur u pa ymtoh u chah pyndooh ya ka ST Certificate.