District Cricket League: Jop ka Moodymmai SU wa ka Chutwakhu SC

Ka Moodymmai SU wa ka Chutwakhu SC da jop ki ynne ka sngi ha ki ar tylli ki yalehke yong ka District Cricket League 2026 wa da pynman da ka West Jaiñtia Hills District Cricket Association, Jowai.

Ha ka yalehke ha madan Khliehtyrchi Mini Stadium, ka Moodymmai SU da jop ko da 58 Run ya ka Ummulong B.

Ya ka kylla-khlem da jop da ka Moodymmai SU kawa da jied wow Bat nyngkong wei da kamai ko 194 Run na ki 30 Over deiwa haap 9 Wicket. Na kiwa Bat, u Pyndap Lamin da kamai boon dooh u deiwa yoh 52 Run na ki 48 bol wei pynbood won da u Daowan Passah uwa kamai 36 Run na ki 21 bol. Na kiwa kawang bol ka Ummulong B, u Kermiki Bamon da yoh u pynhaap 3 Wicket na ki 5 Over.

Hawa beh ya ka thong, ka Ummulong B da ye ko u kamai du 136 Run na ki 25.2 Over deiwa haap ko waroh ki Wicket. Na kiwa Bat, u Kermiki Bamon toh uwa yoh boon Run dooh deiwa kamai 42 Run na ki 54 bol, pynbood won da u Nehheimaya Gatphoh uwa kamai 26 Run na ki 30 bol. Na kiwa kawang bol ka Moodymmai, u Rijest Lytan da yoh u pynhaap 3 Wicket na ki 6 Over.

Related posts

Khut ka Seng Rangbah Katholik Moolamanoh Unit wow chimbynta ha ka 2nd 8-A-Side Futsal Knockout Tournament 2026

March 20, 2026

Khut ka Kyrmen Foundation wa ka Rangdajied United FC ya ki khynnah chynrang wa kynthai ka East Jaiñtia cha ka Trial ka Kynsai Football Coaching

March 17, 2026

Yei naam Man of the Match da yoh rah da u Daowan Passah uwa yalehke ka Moodymmai SU.

Ha kawi won ka yalehke wa pynman ha madan Wahiajer Mini Stadium, ka Chutwakhu SC da jop ko da 6 wicket ya ka Riwar Titan CC.

Ya ka kylla-khlem da jop da ka Riwar Titan kawa da jied wow Bat nyngkong wei da kamai ko 79 Run na ki 16.5 Over deiwa haap ko Waroh ki wicket. Na kiwa Bat yong ka, u Daman I Pohktai toh uwa da kamai boon deiwa yoh 17 Run na ki 14 bol, pynbood won da u Ronaldo Khonglah uwa kamai 14 Run na ki 31 bol. Na kiwa kawang bol ka Chutwakhu SC, u Heisa Bareh da yoh u pynhaap 4 Wicket na ki 6 Over, katwa u Michael Nongpluh won da yoh u pynhaap 3 Wicket na ki 4 Over.

Hawa beh ya ka thong, ka Chutwakhu SC da ye ko u pynjop deiwa kamai  80 Run na ki 15 Over wei da haap ko 4 Wicket. Na kiwa Bat yong ka, u Sam Nesta Chyrmang da kamai boon u deiwa yoh 27 Run (Not Out) na ki 42 bol, pynbood won da u Ricky Chullai uwa kamai 17 Run (Not Out) na ki 20 bol. Na kiwa kawang bol ka Riwar Titan CC, u Lestarket Kassar da yoh u pynhaap 2 Wicket na ki 5 Over.

Yei naam Man of the Match da yoh rah da u Heisa Bareh uwa yalehke ka Chutwakhu SC.

Kini ki yalehke ynne ka sngi man ki ki yalehke wa khaddooh ya kini ki Team na ka Pool D wa ka Pool A. Ka Moodymmai SU wa ka Ummulong B da kut ka chimbynta ki ha kani ka League na ka Pool D, deiwa jop mar chisien, wei rem le sien, wei da yoh ki mar 2 Point. Ka Ummulong B da yoh ko hei wa soo katwa ka Moodymmai SU won da man ko kawa khaddooh deiwa kheiñ da ka NRR.

Ha ka Pool A won, ka Chutwakhu da em ko hei wa le deiwa yoh 3 Point deiwa jop chisien, chi Point deiwa ya saam (wa pynthut u slap) wei rem ar sien. Ka Riwar Titan won da jop ko chisien wei rem won le sien, wei da man wa soo ko ha ka Pool A deiwa yoh 2 Point.

Ki yalehke ha ka sngi Monday ka 23 tarik toh hapyrdi ka Goodwill Mupliang pyrchah ya ka PCC Phramer ha Khliehtyrchi Mini Stadium. Ka Dulong CC pyrchah ya ka Mowkaiaw CYC ha Wahiajer Mini Stadium kiwa daw sdang heipor 9:00 waje i step. Ya ka Digital Live Score yong kani ka League ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.