Ha i jia wa da pynsier ya kiwa chong chnong ka Upper Assam, ki bru kieñ suloi wa suba toh kiwa na ka United Liberation Front of Asom-Independent (ULFA-I) da hiar thma ki ya ka Assam Police Commando Battalion Camp kawa em ha 10th Mile ha Jagun ka Tinsukia District ynne i step heiwa soo ngut ki Commando da mynsoo ki.
Ini da jia i heipor kamwa 2:00 waje i step synyaaw heiwa da siat kamwa 4-5 tylli ki Rocket-Propelled Grenades (RPGs) cha kani ka thaw wa em ki pulit na i thaw wa dei rieh.
Ki bor pulit da siat ki cha kini ki bru kiwa da pynuiñ kuli wei katkam wa ong ki bru wa em chajan, i yasiat da neh i rap slem.
Ya kini kiwa mynsoo da kit cha Assam Medical College & Hospital (AMCH) wa em ha Dibrugarh.
Kini kiwa mynsoo toh uwa tip kam u Chitranjan Mili uwa na Jorhat, u Robin Ghosh uwa na Chabua (Dibrugarh), u Jimbus Marak uwa na Goalpara wa u Devashish Bora uwa na Jorhat.
Kini ki bru wa wan siat da yoh ki wow yut wei dang thooh ya ki da ki bru ka Indian Army deilang ki pulit ka Assam.
Discussion about this post