Yoh u riñ dur ya ki ar ngut heipor wa tooh Scooty ha Jowai

Ki ar ngut ki bru wa tooh thuk-thuk da yoh wow riñ dur ki da ka CCTV heipor wa sai ki ya kawi ka Scooty na i yung wa em ha Ladthadlaboh, Jowai hajan ka Dowell Auto.

Kani ka Scooty toh kawa da pynyieñ ha pchem yung wei i bynta wa yoh u riñ ka CCTV toh heipor wa da ngiat ya kani ka Scooty cha i thaw wa rap langam iwa em mar kylla ka Dowell Auto wei heini i por joor leh u slap heipor 3:50 i step ka 22 tarik uni u bnai.

Ki tre kani ka Scooty da ong ki wa dooh light heini i por wa jia wei ka CCTV wa em hajan ka yung hanla yoh ko wow riñ leh tangwa ym chynna bha neidaw wa doom ware.

Ha ka CCTV wa yoh u riñ da yoh wow yoo ya uwi u bru wa yieñ yow pait lada em wa wan, katwa uwi won da yoo lakam wa pynemkaam u da ka kynja Welding yow sai u khloh ya iyi ræ iyi na kani ka Scooty chwa wow ye u pynche ya ka light wei wow Start ya kani ka Scooty wei ini waroh toh iwa chimpor kamwa 5 minit haroh.

Related posts

Chaad kmen ki Garo hawa pynbna u Marcuise Marak wa emkaam ST Certificate hawa yakhun ya ka Election MDC

March 23, 2026

Poor i dur wa chna thok wa daw pynmih ya ka Result SSLC ha ka 6 tarik

March 23, 2026

Yei tiar wa dep u pynemkaam leh da noh u cha kylla kynroh.

Yei dur kini ki bru ym chynna bha neidaw wa da sap tupri wei da tymmoh bha yei dur.

Kani ka Scooty wa chah tooh toh ka Yamaha Aerox 155 (rong yong) kawa em Number ML-04D-7069.

Neiliang ki tre da kyntu ki ya kiwon kiwon kiwa chem wa yoo ya kani ka Scooty wow sñiawbha u Phone ha ini i Number- 8798383334.