Ka Jaiñtia National Council (JNC) ha ka 20 tarik da yoh ko wow pynthymme ya kiwa kitkaam yong ka JNC Ladrymbai Circle ha ka yalang wa da pynman haka Community Hall ka chnong Ladrymbai Dongwah, East Jaiñtia Hills.
Ya ka yalang da pynlai da u Nangjan Dkhar, Vice President JNC CEC wei da sdang ya ka yalang da ki kyntien khublei na u Allmiki Ryngkhlem, Asst. Secretary JNC CEC, wei bood sa ki kyntien sneiñ kyntu na u Mebanteilang Sukhlain, Publicity Secretary JNC-CEC wa na u Wanshwa Suting, General Secretary JNC CEC.
Yei pynsmai ya kiwa yahkhmat thymme da pyndep da u President Rangbah ka JNC u Sambormi Lyngdoh.
U Sambormi da pynsñiaw u ya ki kynhroo yong ka chnong Ladrymbai wa dap u da i sñiawkhia wa joor hajrong i boon ki bru kiwa na baar wa chong wa sah kamjooh ki kaam khayi pateiñ hapoh kani ka chnong wa leh ki. Da ban joor u ya i emkaam wa jhan ya ka JHADC wow pynskem biang ko ya ka bynta ka yong ka kam kawa sumaar yei hok yong ki tre ri tre muluk, ka khyndaw ka chyiap wa ka yoh ka kot.
“Ki pa tymmen yong i toh da yoo jngai ki yaka pateiñ yong i, na itæ i daw da yaleh ki wow pynyoh ya ka JHADC wow yada ya i man kyrpang yong i. Nadooh myntu ka sngi da toh ka por ya i wow pyntikna wa kani ka stieh toh u nang khlan ko, lada wym leh iyi iyi kattæ, daw dooh noh wot ya ka pateiñ yong i,” ong u Sambormi.
Kiwa kitkaam wa thymme ka JNC Ladrymbai Circle man ki kamni:
President – Jopsing Latam
General Secretary – Basniyo Shylla
Vice President – Wansalan Nongrum
Asst. Secretary – Carlos Sana
Sport Secretary – Rajest Lyngdoh
Education Secretary – Backstarwell Sympli
Publicity Secretary – Larius Siangshai
Organising Secretary – Leyoki Ryngkhlem
Office Secretary – Ricky Dkhar
Members: Emiki Rymbai, Pink Dkhar, Royal Dkhar, David Rymbai.
Discussion about this post