Ynne ka sngi ki paidbah da lang ki hajan ka Office krehkaam ka NPP wa em ha Tura heiwa u Montri ka sorkar, u Marcuise Marak da pynbna u wa emkaam ki kyrtong MDC u em ya ka ST Certificate hawa yaleh Election ki cha GHADC.
Wei ini i i pynbna toh hadien wa ka Garo Hills Autonomous District Council da mynjur ko wow pynkylla (Amendment) hapoh ka AD Rules wa kitu kiwa kwah wow yaleh ya ka Election MDC emkaam ki wow em ya ka Schedule Tribe Certificate.
Hawa pynbna yeini, neiliang ki paidbah da chaad da kmen ki hawa sñiaw yeini iwa man iwa emkaam neibynta ki jaitbru ri-loom wow em ha ka Council.
Neiliang u Montri Rangbah, u Conrad Sangma da ong u wa yooluti u wa ki lok Non-Tribal u sñiawthooh ki yeini neibhah ka District Council man ko neibynta ki Tribal.
Kam wow pynkynmoo wa ka Garo Hills Autonomous District Council da pynkylla ko ya ka aiñ deiwa ong wa emkaam u em ya ka Scheduled Tribe Certificate wow yakhun ya ka Election MDC iwa da wanrah yei kulmar iwa da neh boon sngi ha Garo Hills hadien wa pyrchang ki kyrtong wym em ST Certificate wow lai thap pyrtuid.
Tangwa ya kani ka pynbna ka GHADC wa emkaam ST Certificate da pynyap da ka High Court deiwa e daw wym em lai kam ka kyndon chwa u pynkrehkaam ka.
Kamtæ ka GHADC da pynman ko ya ka dorbar wa kyrpang kawa ar sngi ha ka 23 wa 24 tarik uni u bnai yow wanrah ya kani ka phang yow yoh yei mynjur hapoh ka Council wei yow phah ka cha u Lat ka jylla yow e u yei mynjur katkam ki kyndon yow pynkrehkaam ka.
Discussion about this post