Emkaam ya kiwa sikai wow pyndep ya ka MTET | Kyntu u Lahkmen wow yaleh ka

Ka Supreme Court ha ka 1 tarik u September 2025 da pynmih ko ya ka hukum wa waroh kiwa sikai emkaam u pyndep ki ya ka TET heiyatoh wa ki skur kyrdan khian.

Hadien ka hukum da chem wa emkaam palat 25,000 ngut kiwa sikai ha Meghalaya wa hap ki u pyndep ya ka Teacher Eligibility Test (TET) hapoh 31 tarik u August 2027 kam chibynta wow booddien ya ka hukum ka Supreme Court.

Neiliang u Montri ka chnat Education, u Lahkmen Rymbai ynne da ong u wa kiwa sikai emkaam ki u Pass ya ka TET heiwa kiwa sikai wa sah sadu san snem i kreh leh emkaam ki u pyndep ya ka.

Related posts

Iwi na ki daw wa duna ki Doctor Specialist toh wym bien ki wow lai kreh cha ki thaw wa man palatsor: Wailadmiki  

March 23, 2026

Kyntait u heh warim ka NCB wa dawa poisa u na u Shah Rukh Khan

March 23, 2026

U Lahkmen da kyntu u leh ya kiwa sikai wow pyndap wei yakhun ha ka TET khnang wow suk ki.

Ya ka hukum da pynmih da ka Director of Educational Research & Training, ka JU Kharpuri ha ka18 tarik u March yeiwa da pynbna wow leh Online yeini lyngba ka Meghalaya Teacher Eligibility Test (MTET) wa ye u pyndap nadooh ka 23 tarik u March hadooh 5:00 waje i janmiet ka 9 tarik u April heiwa ya ka Test daw pynman ha ka 29 tarik u May.