U Prime Minister ka ri, u Narendra Modi ynnin da kyntu u ya ki paidbah ka ri wow man kiwa da syndong, wa ya tylli wei pynkhreh hadien wa joor ka thma ha West Asia iwa ye u ktah ya ka pyrthai waroh kawi.
Hawa klam ha Lok Sabha, da ong u wa i man i long ye i wow neh slem wei emkaam ya ka ri wow yatylli ko kam heipor COVID-19 heiwa emkaam u man kiwa da pynkhreh wei yaichah.
Yeini da klam u hajrong i tieñ yei duna i phñiang kamjooh i duna LPG Cylinder.
Da maham u ya ki bru wym toh u chim kabu yei man i long heiwa ki chnat sorkar da man kiwa paitsiar bha yeini deiwa pynrap wa da pynkhlan yei sonteri ha khappood ki rood duriaw, ka Cybercrime wa kiwi.
Chooh chooh da kyntu u ya ko sorkar jylla wow yakhun ya ki khubor thok namo ki Fake News, i pynlang ya ki tiar wa emkaam (Hoarding) kamjooh i dai tooh ha kam ini i por.
U Modi da ong u leh wa kani ka thma da pynthut ko yei khayi pateiñ, pynthut ko yei chngaaiñ kamjooh i e yarap ka India ya ki bru. Heiwa da ong u wa ka thaaiñ wa em thma man ko ka luti i khayi pateiñ wa kongsan ya ka India khamtam i phñiang (Crude Oil wa Gas) wa wanrah cha ka ri na West Asia.
Heijooh i por da kdaw u yei chngaaiñ ki bru na ka ri wa sah wei kreh ha kitai ka ri iwa da sñiawkhia bha ka sorkar khamtam kiwa da mynsoo.
Discussion about this post