Ka Synjuk Waheh Chnong, East Jaiñtia Hills District ynne da lai yachem ko wa u Executive Engineer ka MePDCL Khliehriat Distribution Division, Moowakhu, East Jaiñtia Hills, hajrong i eh wa da maad kiwa chong chnong neiwa ku bai bordiñ (Electricity Bill) wa i thmu wow pynemkaam da ki Smart Meter.
Ka Synjuk Waheh Chnong da pynsñiaw ko yei sñiawkhia wa joor ku syndet ka bai bordiñ iwa da ktah joor ya ki paidbah wa chong chnong ka District ki wym ye de u su ya ka bai bordiñ neidaw wa joor syad wei da pynkulmar leh ya ki bru yei rukom kheiñ bai bordiñ.
Ka synjuk da dawa ko wow pynche paidbah yei rukom kheiñ kamjooh iyi i daw wa syad ka Bill wei wow pynbiat ya ki Bill wa heh dor.
Heiyatoh wa i thmu ka sorkar u pynkrehkaam ya ki Smart Meter, ka Synjuk Waheh Chnong East Jaiñtia Hills District ha ka yalang wa dadep pynman haka 21 tarik u March 2026 deiwa wan chimbynta ki waheh chnong, da chim rai wym pu pdiang yeini wa kwah ka sorkar wow pynemkaam da ki Smart Meter lada ym pynman chwa ka sorkar ya ki pynsñiawthooh paidbah neibhah kiwa boon ym pu che ki chaphang ki Smart Meter.
Neiliang u Executive Engineer da kular u wow khut yachem wa kiwa kreh u waroh yow bichaar biang yei ku ka bai bordiñ. Da kyntu u wow su chwa katwa dang yoh poisa wei ym kheiñ dan lada ym yoh ki u su waroh leh.
Discussion about this post