I kylla cha ka niam Christan pyndooh i yei tipmit kam ki Scheduled Caste: Supreme Court

Ka Supreme Court ynne da ong ko wa du ki bru wa ngait niam Hindu, Sikh wa Buddhist u yoh ki yei tipmit kam ki Scheduled Caste wei i kylla niam kam cha ka niam Christan pyndooh i yei hok wow yoh yeini i tipmit. 

Yeini da ong ka miej bichaar u Justice PK Mishra wa u Justice Manmohan hawa bichaar ya ka mukotduma u Dalit wa kylla cha ka niam Christan, heiwa da ong wym yoh u yei yada hapoh ka aiñ Scheduled Castes and Scheduled Tribes (Prevention of Atrocities) Act.

Ya kani ka rai da chim ha ka Appeal wa ujor u Pastor Chinthada Anand pyrchah ya ka hukum wa pynmih ha u May 2025 da ka Andhra Pradesh High Court.

Ka Case ha Andhra Pradesh da mih ko hadien wa em ka mukotduma wa yaleh da u Akkala Ramireddy wa kiwi de pyrchah ya ka ujor uni u Pastor uwa da dawa yei hok hapoh ka SC & ST Act, heiwa ki pulit da Register ki ya ka First Information Report (FIR) pyrchah ya u Akkala wa kiwi.

Uni u Pastor da ong u wa da chah lehbeiñ hadooh wa chah maham pynyap u tangwa ka High Court da ong ko wa ym ye wow yoh u yei yada hapoh ka aiñ Scheduled Castes and Scheduled Tribes (Prevention of Atrocities) Act neibhah wa da kylla niam u. Ka High Court da pyndam ko leh ya ka Case pyrchah ya u Akkala wa kiwi de.

Ha ka High Court, u Justice N Harinath da pyndam ko leh ya ka FIR wa ujor u Pastor deiwa ong wa da dooh u yei tipmit kam u Scheduled Caste hadien wa kylla Christan u kamtæ ymye u yada ya oo hapoh ka SC/ST Act.

Related posts

Sa ha JHADC wa KHADC daw phah pynkylla ya ka AD Rules: Prestone

March 24, 2026

Du hapoh ar bnai wa dep u pynchna ya u NH-6 sdang sih wot | Kular ka NHAI ya ka JSU wow pynchna smat

March 24, 2026

Ka Court da ong ko wa ym myntoi lada em u Pastor ya ka SC Certificate neibhah wym krehkaam ko neibhah i kylla niam pyndam wot i yei tipmit kam ki Scheduled Caste.

Kamtæ u Pastor da Appeal noh u cha ka Supreme Court heiwa ka leh da pynksan ko ya ka hukum ka High Court deiwa kdaw wa hapoh ka Clause 3 ka Constitution (Scheduled Caste) Order 1950 da ong wa lada kylla niam daw dooh noh yei man Schedule Caste hanla da kha kam u Scheduled Caste.

Ini waroh da sdang i hadien wa uni u Pastor heipor wa pynman yaseiñ u ha ki sngi Sunday ha chnong Pittalavanipalem, da chah dat u ha ki bru wei da chah maham pynyap u deilang ka yung ka sem u, kamtæ da ujor u pyrchah ya kini ki bru kiwa da chah Charge Sheet.

Tangwa kini ki bru won da lai ki chah ka High Court yow dawa pyndam yeini wa chah pynngat ki. Heiwa da e daw ki wa ka FIR wa da pynngat hapoh ka aiñ SC & ST Act toh kawa bakla neibhah uni u Pastor da ieh u ya ka niam u deiwa kylla Christan wei ym ye u wow yoh yada hapoh kani ka aiñ.