E u Lat ya ka muhor wa emkaam ST Certificate hawa yaleh Election ka GHADC

U Lat ka jylla, u CH Vijayashankar ynne ka sngi da e u ya ka muhor yow pdiang wei mynjur yeiwa da chim rai ka Garo Hills Autonomous District Council (GHADC), yeiwa da pynpynkylla hapoh ka AD Rules deiwa ong wa ki kyrtong wa mut wow yakhun Election MDC cha ka GHADC, da emkaam ki wow em ka Scheduled Tribe Certificate.

Ka GHADC ynnin ha ka dorbar wa kyrpang da chim ko yei rai wow wanrah yeini i pynkylla deiwa yoh yei kyrchaan ki 26 ngut ki MDC yow khang noh ya ki wym em ST Certificate wow yaleh Election ki.

Kani ka pynbna toh kawa da pynmih da u CEM warim heiwa da wanrah kulmar ha Garo Hills hadien wa em ki kyrtong wa khlem ST kiwa da lai thap pyrtuid yow yaleh Election MDC.

Hadien won da tynyap ka High Court ya kani ka pynbna ka GHADC deiwa ong wym em bood ko katkam ki kyndon hawa pynkrehkaam ka.

Related posts

Nadooh i kynmoo warom ya kiwa yap heipor Election, i tba u Modi yei kjat uwa 98 snem ha ka baam smai u CM wa thymme ka West Bengal

May 9, 2026

Da e kti ya ka Work Order wow chna pynheh ya ka Umroi Airport | Da yoh leh u sarok thymme

May 9, 2026

Kamtæ da khut pynman da ka dorbar kyrpang yow leh yeini katkam ki kyndon ka aiñ.

Neiliang u Montri Rangbah, u Conrad K Sangma da e khublei u ya u Lat ka jylla wa da mynjur u wow pynman aiñ noh ya ini wa da pynkylla ka GHADC.

Da ong u wa ini toh iwa kongsan bha wow em ka kyndon wa emkaam ST Certificate hawa yaleh Election cha ka GHADC.