Ka Jaiñtia Students’ Union (JSU) Jowai Circle da pynsñiaw ko yei diaw wa da sih wot u sarok NH-6 uwa dang dep pynchna dang du hapoh ar bnai.
Ka seiñ da booh ko da ka ujor ha u Project Director ka NHAI lyngba u General Manager ka Pasyih Toll Plaza yow dawa pynchitom ya ka PBPL kawa pynchna tangdep ya uni u sarok uwa da sih wot heiwa i psiang man i iwa da khloh wei da mih leh ki thlu ha kiwa boon ki bynta uni u sarok.
Ka JSU da e por ko 30 sngi wow pynchna ya uni u sarok lym kamtæ daw pynman dei yakhih wa joor yow yada yei hok ki paidbah wa pynemkaam ya uni u sarok.
Hadien wa booh ya ka ujor da yoh wow yaklam lyngba ka Phone wa u Project Director ka NHAI uwa da kular wow pynchna yeiwa da sih wei wow booh yeini hakhmat dooh yow pyndep yei kreh.
Discussion about this post