Ka yalang heiyatoh wow kyrriah ya kiwa chongdai madan ha Laitumkhrah da pynman ka ynnin ka sngi ha Secretariat hei yahkhmat u Symbood Montri Rangbah ka jylla, u Sniawbhalang Dhar heiwa da man ko kawa mihsoh.
Ha kani ka yalang da emlang kiwa mihkhmat ka Laitumkhrah Dorbar Chnong, ka MLA ka thaaiñ, ka Ampareen Lyngdoh deilang ki sahep ka chnat Urban Affairs heiwa da yaklam yow pynbait yei rukom kyrriah ya kiwa chongdai madan deiwa yada yei hok yong waroh ki liang.
U Sniawbhalang Dhar da ong u wa ka yalang da man ko kawa mihsoh sakhiat deiwa krehlang ka sorkar wa ki bor chnong deiwa ban joor u wa ka sorkar u chim ko ka luti wa emkaam yow pynbait ya ki mat kiwa chongai madan ha Laitumkhrah yow pynkrehkaam noh.
Neiliang ka Ampareen leh da pynsñiaw ko yei kmen wei da kyrmen wa lyngba ini i ya krehlang daw ye u pynbait deiwa neh slem khnang yow myntoi waroh.
Ya ka yalang da pynkut deiwa kyrmen wa daw ye u pynbait noh yei eh i khoo kiwa chongdai madan deiwa smat ha Laitumkhrah yow wanrah yei pynbait wei i khooid yow suk leh ka lai ka wan ha katai ka thaaiñ.
Discussion about this post