Ka sorkar India da kyntait ko yeiwa em ki khubor hamsaya wa daw pynkrehkaam da ka Lockdown deiwa kyntu ya kiwa chong chong wym toh u hær rngu ki hawa pait yei long i man khamtam heiyatoh wa ki phniang wa ki Gas.
Ka sorkar da ong ko wa em boon bha ki khubor thok wa yahbakla ya ki bru wei kam wow pynyoo yeini wa da leh, ka sorkar ynne da pynhiar ko yei dan mar Rs. 10 heiwa ya i Petrol cha Rs. 3 na ka Rs. 13 katwa yei Diesel na Rs. 10 cha nod yow lait u chah ktah ki paidbah nei ku dor.
Da kdaw wa deiwa leh kamni ka sorkar da dooh nong ko Rs. 24 chi litre i Petrol wa Rs. 30 chi litre i Diesel. Yow lait won u em kiwa chalan yei Petrol wa Diesel na India cha baar ri, da pynku ya ka dan kiwa chalan da Rs. 21.5 chi litre i Petrol wa Rs. 29.5 chi litre i Diesel kam wow yada yeiwa emkaam kiwa chong chnong.
Chooh chooh da ong wa da yada ya kiwa chong chnong deiwa bahkhlieh ka sorkar yei ku dor neibhah kamwa man kattæ i Crude Oil da ku i na $70 cha $122 chi Barrel hapoh chi bnai donhi wei ini da pynku dor i yei phniang ha kiwa boon ki ri ka South East Asia, North America, Europe wa Africa tangwa ha India won ym em pynku dor.
Discussion about this post