Ka seiñ Hynniewtrep Integrated Territorial Organisation-Jaiñtia da kyntu ko ya ki paidbah wym toh wow su ya ka bai lai luti ha ka Toll Plaza wa em ha Ialong, West Jaiñtia Hills wa ha Lumshnong, East Jaiñtia Hills District hadien wa chem wa u sarok National Highway 6 nadooh Jowai chadooh Rattacherra wa ki Company wa pynkreh ya uni u sarok ym em da leh ki katkam wa toh u leh wow chna da u sarok wa bha wa miat heiwa u sarok da man u uwa da sih mar ya dep pynchna.
Da yoodur leh wa i pynchna hadooh wa dep daw chimpor bha.
Chooh chooh da ong wa katkam ki kyndon ka Ministry of Road Transport and Highways wa i chim dan ki Toll Plaza toh hajrong ka yurim yow ye u chna pynbha yeiwa sih wa jæd u sarok, tangwa katkam wa chem wa uni u sarok toh uwa da sih ha tymbud luti.
Kamtæ ym ye wow pynbor wow chim dan lada ym ye wow pynchna chwa ya u sarok wei lada em wa leh dei bor, ki tre kari ye ki wow ujor cha ka Ministry of Road Transport and Highway.
Hajrong ini, ka seiñ da maham ko leh lada em kiwa pynbor wow su.
Discussion about this post