Ha iwi i jia tyrrah kari wa yoo chyrkhei, hadooh 5 ngut ki bru da mynsoo joor ki hadien wa tyngkhooh ka Truck wa ka Sumo ha u sarokbah ha ka thaaiñ Sohïong, East Khasi Hills.
Ini da jia i ynne heipor janmiet heiwa katai ka kari Tata Sumo wa kamai da pra ko phrai wei katkam wa pyntip da ki pulit, ini da jia i ha u sarok ha laad Marpna wei kani ka Sumo toh kawa em Number ML-10C-0226 heiwa da em 5 ngut ki bru hapoh wei waroh da mynsoo joor ki wei da pynkit wut-wut cha ka thaw sumaar wa em chajan.
Da pyntip leh wa kani ka Sumo toh kawa dang mut wow lai cha Lawmei, Shiliang Um.
Katkam ki dur wa da yoh, da yoo wa kani ka Sumo toh kawa da kit chiboon ki mar kiwa hap roi cha sarok wei ka Truck wa tyrrah wa katai ka Sumo toh kawa em Number AS-01DD-5511 ya kawa da phah ksoh noh da ki pulit.
Hadooh wa pynmih khubor ym pu tip yi wa bakla ha ini wa jia.
Discussion about this post