Wa pteiñ u khynnah u pait TV wei ym bien u yarap sait Syntex chah pynyap pyn ha uwa sah jan yung

Hei takit ki pulit yeiwa chah pynyap u khynnah khonswet uwa dang 7 snem uwa tip kam u Kyrshanbor Kharmudai uwa sah wa ka Beiheh u ha Lum Marboh, Nongrah heiwa da wiar u nadooh 4:00 waje i janmiet ka 8 tarik u October 2025 wei yei metyap u da chem ha ka step wa bood ha rood sarok wa em ha Matngen, Mawpat.

Hadien wa pyndep ya ka Post-Mortem ha NEIGRIHMS da chem wa da yap u neidaw wa dooh sanget deiwa em wa pyndooh la’ær oo.

Kamtæ ki pulit ka East Khasi Hills da thung ki da ka Special Investigation Team (SIT) ha ka 9 tarik wa khlieh da u Superintendent of Police (City), Shillong.

Kani ka SIT da kylli takit ko ya boon ngut ki bru wei da pynlang leh ya ki sabut kiwa da phah cha CFSL Guwahati wa ha FSL Shillong.

Related posts

Chem kiwa khih mylla ya u Artillery Shell ha Shillong

April 1, 2026

Ym psiah ka UK ha ka thma Iran: PM Keir Starmer

April 1, 2026

Hadien 6 bnai ka takit deiwa pait ya kawi pa kawi ka sabut, da ye wow pyntikna wa da leh yeini i kaam pynyap bru da u Kenedy Khongsit (32 snem) uwa sah mar jan yung wa uni u khynnah.

Ya uni u khynnah da pynyap heipor kamwa 2:30 hadooh 3:00 waje i sngi ha i thaw wa em i yung u Kenedy heiwa uni u khynnah da wan u cha yung u yow pait TV hadien wa dep u wow baam ja step.

Katkam wa chem ka takit, u Kenedy da phah u ya uni u khynnah wow lai thooh brut wa ka borti heipor wa oo dang pynkhooid u ya kawi ka Syntex tangwa uni u khynnah pteiñ u wow pait TV iwa da pynchrai ya oo wym ngait sneiñ u.

Manda mih uni u khynnah cha lait i yung, u Kenedy da kset u yei ktien u wei da thap u oo hapoh ka Syntex neidaw wa joor i chrai heiwa uni u khynnah da yap chwa u nei dooh sanget.  

U Kenedy manda yoo yeiwa da yap uni u khynnah, da rah u yei metyap deiwa murieh ha dien yung wa em i kpær. Hadien wa wan kiwa emyatoh u, da murieh u yei metyap hapoh kawi ka churia Plastic heiwa da lai thooh u ya kawi ka Yamaha RZ Scooty wa em Number ML-04B-9622 kawa man ka yong u payu ar bei u.

Uni u payu ar bei deilang ka bei u Kenedy heini i por dang lai thooh tit ki na khloo wa em ha Mawdiangdiang wei da liwan yung ki heipor kamwa 3:30.

Heipor kamwa 4:15 hadooh 4:50 i janmiet, u Kenedy da rah u yei metyap wa em hapoh churia wei da kit u da ka Scooty yeini yow lai noh ha rood sarok wei da liwan biang u hapoh chiteiñ kynta.

Ya u Kenedy da kem ynne ka sngi na yung wa sah u wei daw lai rah hakhmat ka yung bichaar.