Ka sorkar jylla da pdiang ko wa em i duna i yoh ya ki LPG Cylinder kiwa toh neibynta u pynemkaam yow chet u tu ha yung namo ki Domestic Cylinder wei kamjooh i duna ki Commercial LPG Cylinder wa pynemkaam ha ki dukan, ki Restaurant wa ki Hotel.
Hawa klam ynne ka sngi, u Montri Rangbah ka jylla, u Conrad K Sangma da pdiang u wa em i duna malu mala wow pynbiang ya ki Domestic LPG Cylinder, tangwa ym ye u leh iyi iyi leh yeini i duna. Da pdiang u leh wa ki Commercial LPG Cylinder da duna ki kamwa man ha waroh kawi ka ri, deiwa ong wa nachwa ka sorkar pyrdi da e ko u du 20% wei kattæ da pynku cha ka 70%, tangwa yeini ym pu sñiaw kattæ tangwa daw ku i manda poi ki Commercial LPG Cylinder.
Da ong u wa hadooh kattæ kamwa 90% i emkaam LPG ha India hap bait wow pynpoi bait na ka thaaiñ wa em ka thma deiwa hap wow lai luti lyngba ka Strait of Hormuz, wei neiliang ka sorkar India dang chim ko ya ki laad wow pynbiang yeiwa emkaam.
Hawa kylli hajrong ka ka Bottling Plant hapoh ka jylla, u Conrad da ong u wa kani ka kaam toh kawa da sahteiñ da slem wei ka sorkar da pynyoh ko yei thaw heiwa i kreh kattæ da jan dep noh.
Discussion about this post