Kawa ye u ong toh ka khubor wa bha ya ka jylla Meghalaya, wa kattæ kiwa da tip u thoh wei puræ kot dapoi ki cha ka 94% namo ka Literacy Rate iwa mut wa sah sa du 6% ki wym tip u thoh wei puræ kot.
Yeini da pyntip da u Montri ka chnat puræ puthi ka jylla, u Lahkmen Rymbui ynne ka sngi hadien wa chong yalang yow bichaar bniah yei long i man ka chnat hapoh ka jylla.
Kani ka khubor da man ko kawa rap khyrngiat hadien wa ha ki snem wa dang dep da ong wa ka Meghalaya toh kawi na ki jylla kawa hiar dooh ha ka puræ puthi ha ka ri India.
Katkam i ong u Lahkmen, ka jylla da emkaam ko sa du 38,000 ngut ki wow tip u puræ puthi yow ku cha ka 95% wei chisien wa poi ha kani ka Percent mut i wa ka jylla ym em de ko ki wym pu tip u puræ wei thoh.
U Montri da ong u wa khnang u poi cha kani ka thong, ka sorkar daw pynkrehkaam ko da ka yalap paidbah kawa joor nadooh ka 24 tarik uni u bnai April.
Discussion about this post