Ka Khasi Students’ Union (KSU) ynne ka sngi da lehkmen ko ya ka sngi kyrsu ri namo ka Khasi National Awakening Day.
Ya kani ka lehkmen da sdang na pchem ka Bharat Scouts & Guides, Laban wei da lai paidbah leh chadooh Shillong Vidyalaya Secondary School, Lumshatsngi.
Neidaw wa pynman ka KSU ya kani ka lai paidbah, da sakhi wa ki luti ki syngkieñ man ki kiwa langam wei ki dukan leh kiwa khang wa khyrdep lut ha ka thaaiñ Laban nadooh kiwa dai khutia harood sarok hadooh ki dukan heh wei da em leh ki pulit wa pait wa yoo deilang ki bor District yow pyntikna wa ini waroh man ko kawa lai bait lai ryntih.
Ha kani ka lai paidbah da em leh kiwa yahkhmat ka CEC ka seiñ nadooh u Lambokstarwell Marngar wa u Donald V Thabah deilang ki dkhot na kylleiñ ka Bri U Ynñiawtrep, kiwa yahkhmat warim wa kiwi kiwi.
Ha kani ka lai paidbah da rah leh ki dur yong ki khlawait ka ri Ri Khasi-Jaiñtia kam u Tirot Sing Syiem, u Wicklif Syiem, u Kiang Nangbah, ka Phan Nonglait deiwa kbai leh ya ki kyntien “Bangladeshi Go Back”.
Discussion about this post