Ka Lion Y&SA da yoh ko u psiah Final deiwa pynrem ya ka West Jaintia Police CC da 27 Run ha ka Semi Final wa ar ynne ka sngi yong ka District Cricket League 2026, wa da pynman da ka West Jaiñtia Hills District Cricket Association, Jowai.
Ya ka kylla-khlem da jop da ka Lion Y&SA kawa da jied wow Bat nyngkong heiwa da kamai ko 190 Run na ki 34.2 Over deiwa dooh lut waroh ki Wicket. Na kiwa Bat yong ka, u Nick Dann toh uwa kamai boon Run deiwa dat 66 Run na ki 58 bol, pynbood won da u Deibormi Rngad (C) uwa kamai 50 Run na ki 65 bol. Na kiwa kawang bol ka West Jaintia Police, u MS Bishal da yoh u pynhaap 3 Wicket na ki 6.2 Over katwa u Devention Lyngdoh, u Kenny Wann wa u Monjur da yoh ki mar 2 Wicket samen.
Hawa beh ya ka thong, ka West Jaintia Police da duna ko sa 28 Run wow kynjoh ya ka thong deiwa kamai 163 Run heiwa da haap lut waroh ki Wicket ha ki 30.2 Over. Na kiwa Bat yong ka, u Obadaia Bareh toh uwa yoh boon Run dooh deiwa kamai 56 Run na ki 54 bol, pynbood won da u Kenny uwa kamai 25 Run na ki 32 bol. Na kiwa kawang bol ka Lion Y&SA, u Peterson Lamare da yoh u pynhaap 5 Wicket na ki 6.2 Over, katwa u Noondaystar Pohrmen wa u Deibormi Rngad da yoh ki mar 2 Wicket samen na ki 7 Over.
Yei naam Man of the Match da yoh da u Peterson Lamare uwa yalehke ka Lion Y&SA.
Kamtæ ka Lion Y&SA u yachem ko wa ka Goodwill Mupliang SC ha ka yakhun Final kawa daw pynman ha ka 07-04-2026 ha Khliehtyrchi Mini Stadium heipor 9:00 waje i step.
Ha kani ka sngi daw wan sakhi u Wailadmiki Shylla, Minister of Sports & Youth Affairs kam u kongsan deiwa emlang u Medling Swer, MDC, Executive Member, JHADC kam u symbood kongsan.
Ka West Jaiñtia Hills District Cricket Association, Jowai khut ko leh ya waroh kiwa ka-it wei sñiawsuk u pait Cricket wow wan sakhilang ya kani ka yalehke wa khaddooh yong ka District Cricket League 2026. Ya ka Digital Live Score yong kani ka Final ye phi u pait ha https://cricheroes.com/tournament/1881561/wjhdca-district-cricket-league-2026/matches/live-matches.
Discussion about this post