Ka Khasi Students’ Union (KSU) da kyrsu joor ko yow khyrngiat wei wow yoo yei maa nei wan buhai chnong kiwa na baar wei yeini da pynkynmoo paidbah ha ka sngi Kyrsu Ri namo ka Khasi National Awakening Day kawa da pynman ynne ha Shillong.
U President ka KSU, u Lambokstarwell Marngar da ong u wa ka KSU toh u kyrsu wei kyntu ko ya ki khynroo khyllood yow mih ki chakhmat wow leh iyi iyi ym du wow woh wow beiñ. Da ong u wa kani ka Ri 30 Syiem Ri 12 Dolloi toh kawa da kyrkhu da u Blai wei ymtoh ka ri yong kiwi.
Da ong u leh wa ka seiñ ym ngiah ko wei daw pteiñ ko wow kyrsu ya ka jaitbru neini chakhmat deiwa pynrap wa lada kitæ kiwa imsngi du wow boh wow beiñ lada e ki yei por yong ki du chiteiñ hawa im ki yow chakri ya ka jaitbru, ym yoo de ki mynder wow em ki cha i.
Chooh chooh da ban joor u ya ki khynroo wow pyrkhat thymme neini chakhmat, neibhah wa i maa da yang chwa i nei wanpoi ki poiwiar chapoh ka jylla wei iwa rap chyrkhei toh i yapra para i da i bor yong uwon uwon na cha kylla.
Ha kani ka sngi da yoh leh i klam na kiwi kiwa yahkhmat wa kynthup na u President warim uwa man u Chairman ka NESO, u Samuel Jyrwa, u President ka HNYF, u Sadon Blah wa kiwi kiwi.
Discussion about this post