Uwi na ki Pilot ka US wa em hapoh ka F-15E Jet ka USA uwa chah siat ha ka Iran hei miet ka 2 tarik u April uwa da Eject tangwa da haap u hapoh u pood ka Iran, da yoh wow chem wei pynlait im oo da ki chipai ka US kiwa da wan dei por miet.
U President ka USA, u Donald Trump hawa pyntip yeini da ong u wa uni u Pilot da chah kdong u ha kiwa choon wei da jan chem ki oo ha ini i thaw wa em boon ki loom.
Da pyntip leh wa uni toh uwa ksoh yei kyrdan kam u Colonel.
Yow lai pynlait ya uni u Pilot da phah chi dorjon ki lieñsuiñ hadien wa da pynkhreh bha heiwa uni u Pilot toh uwa da mynsoo, da pyntip u Trump.
Ki Video wa da poor kattæ da yoo yei boon ki kari wa sahkut kiwa lai cha kani ka thaw wa thooh ya uni u Pilot wei em leh i yasiat wa joor bha wa i siat bomb.
Kam wow pynkynmoo wa uwi won u Pilot wa em hapoh kani ka jooh ka Jet da yoh wow lai pynlait im pyn ha ka sngi wa bood deiwa lai hiar ki lieñsuiñ ka US cha ki thaw wa haap u hapoh Iran.
Discussion about this post