Rah ka Kemidon FC ya ka Pdengshakap Football Knock-out Tournament 2025-26 deilang ka song poisa wa Rs. 3.50 lak

Ka Kemidon FC da jop ko ya ka yakhun Final yong ka 12th Secondary School Football Knock-Out Tournament 2025-26, wa pynman da ka Dorbar Chnong Pdengshakap deiwa jop ko ya ka Border Line FC da 5-4 dei yachut Tie-Breaker hadien wa kut ka yalehke da 0-0.

Ha kani ka sngi ka yakhun Final da wan wow pynhaap pyrda da u Lahkmen Rymbui, Montri sorkar uwa man leh kam u MLA ka thaaiñ deiwa emlang u Medling Swer, MDC ka thaaiñ, u Khroobok Passah, DSO West Jaiñtia Hills, u Phrangki Pale, Project Engineer SSC, u Dolloi ka Elaka wa kiwi tawon ki waheh wasian.

Hachwa u sdang ka yalehke Final, u Lahkmen Rymbui da wai u leh ya u mooyurim wow chna pynmiat ya ka madanbol nadooh i thaw chong kiwa paitke, ki kynroh wa ya ka madan hi waroh kawi wei ka poisa wow leh yeini dapoi ko cha ka Rs. 1.83 klur tam.

Ha kani ka yakhun Final yei naam Man of the Match da yoh rah da u Primrose Lamat na ka Border Line FC.

Related posts

Jop ka Diengchynrum ha ka Super Division, khlem em wa jop ha ka 1st Division ka EJHDFA

October 5, 2026

2nd Division TSA: Pisah Semi ka Lad Mukhla wa ka Mupliang

October 5, 2026

Yei naam Best Goalkeeper da yoh da u Wanbor Jungai na ka Kemidon FC.

Ka Kemidon FC kam ka Champion da yoh ko u rah ya ka song poisa kawa Rs. 3,50,000 deilang waka Trophy, katwa ka Border Line FC da yoh ko u rah Rs. 2,50,000 deilang waka Trophy.