Ka Supreme Court ynne ka sngi da phah ko ya ka Central Bureau of Investigation (CBI) wow sdang yei takit hapoh ar tayaaw heiyatoh wa i e Contract ha Arunachal Pradesh cha ki bru wa emyatoh wa u Chief Minister, u Pema Khandu.
Ka miej bichaar u Justice Vikram Nath da ong ko wa ini toh wow takit yei e kreh (Contract) sorkar, ki Work Order wa kiwi ki kreh ka PWD hapyrdi ka 1 tarik u January 2015, hadooh 31 tarik u December 2025.
Ka yung bichaar da phah ko ya ka CBI wow e ya ka bui (Report) yong i takit hapoh 16 tayaaw, heiwa da phah wow leh yeini katkam ka aiñ.
Kani ka mukotduma toh yei e Contract wa ki Work Order wa chongdor Rs. 1,270 klur cha ki soo tylli ko Company wa emyatoh wa kiwa ha-yung u CM.
U muktiar, u Prashant Bhushan wa mihkhmat ya ka Save Mon Region Federation wa ka Voluntary Arunachal Sena da kdaw u ya ka dorkhat wa e ka sorkar Arunachal Pradesh heiwa ya ki Contract da e kti cha kiwa emyatoh wa u CM.
U muktiar ka sorkar won da ong u wa kani ka mukotduma toh kawa em iyi iyi cha lyndet wei ym em yurim ko kiwa skem.
Chirup wa i pyrtuid u Chief Minister da mih leh i pyrtuid ka Rinchin Drema, ka kurim u Chief Minister warim, u Dorjee Khandu wa u Tsering Tashi uwa man u pyrsa yong oo.
U Dorjee Khandu da man u kam u CM ka Arunachal Pradesh nadooh u 2007 hadooh wa yap u hei haap ka Helicopter ha u April 2011.
Discussion about this post