Ka Ria Sharak kawa man kam ka dhab tem namo ka Band na Jowai, daw pynmih ko ya ka thup sur namo ka Album kawa nyngkong ka yong ka (Debut Album), kawa pyrtuid “CHARAK” ha ka 11 tarik uni u bnai April ha ka yalang wa daw pynman ha Bosco Pnar Jowai, heipor 1:00 waje i sngi.
Ka Ria Sharak em ko 4 ngut ki dkhot:
Vocalist – U Avenborn Nongseij
Guitarist – U Dapmaiñ Pohtam
Bassist – U Bredmanki Pohshna
Drummer – U Dao Suchiang
Lyngba ki sur kiwa em ha kani ka Album kawa nyngkong kawa da e pyrtuid “CHARAK”, ka Band kwah ko u pynsñiaw cha phi ki paidbah wa em ko i thmu wa bha heiyatoh wow pynkylla yeiwa sih cheiwa bha, wow e mynsien, wow kyntu ya kiwon kiwon ki bru kiwa da chah tymmoh hei doom yong ka pyrthai, kiwa chem jinjar ha samen samen nadooh ki kaam kiwa ye u pyndooh kyrmen hawa im kam ki bru.
Kamwa da e pyrtuid ya ka Album ka “CHARAK” iwa mut i che, lyngba kani ka Album ka Ria Sharak leh da thmu ko wow wanrah i che cha kiwa ap wa sñiaw lyngba ki sur kiwa em ha kani ka thup rwai kawa em 10 tylli ki sur:
1- Charak
2- Jingim Kam Ka Lyer
3- Hold Me Closer
4- Khlan I Mynsien
5- Love Like Cancer
6- Fading Away
7- Suiñ Bneiñ
8- Ki Sngi Da Hynñiaw
9- Pyntngen
10- Rise Again
Na kini ki sur, da chna 6 tylli hei ktien Pnar wa kynthup wa i sur wa dadep pynlait ha u snem 2024 iwa pyrtuid “Jingim Kam Ka Lyer” wei 4 tylli hei ktien English wa kynthup yeiwa dadep pynmih ki ha uni u snem ha ka 14 tarik u February kawa man ka Valentine’s Day iwa pyrtuid “Hold Me Closer”.
Najrong ini, ka Ria Sharak da lai chimbynta ko ha kattu katni ki tamasa wa ki yakob heiwa ha u snem 2025 ha u bnai March, ka Ria Sharak da rah ko leh yei nam 2nd Runner Up deilang i naam Best Vocalist wei Best Guitarist ha ka Meghalaya Icon wa da pynlai da ka Meghalaya Aids Control Society.
Ha uni u snem won da yoh ko u rah yei naam Winner ha ka ML72 Battle of the Band wa da pynlai da ka ML72 Rising Society.
Discussion about this post